قصتي امعا كوشة خبزة
وهدا الي صار امعاي افتحت باب الحوش نحيت السبيدرو خشيت داري خديت حوايج وخشيت الحمام درت دوش للعلم كيف امروح من الكورة عالمهم طلعت والحكاية تمام التمام جت امي قتلي نبو خبزة
توا بعدين امعاش انحصلو قوتلها باهي اعطيني الفلوس وامشيت للدكان لقيت فيه شبوب قوتلا فيه خبزة قالي والله مافيه قوتلا باهي امنور وطلعت امشي قلت من الاخير خلي نمشي للكوشه
عالمهم واني ماشي لاقيت كولها تجري بتلحق عالخبزة ماهو الحكاية رمضان وكولها تبي تاكل عالمهم قلت خلي حتا اني نجري وجريت لين اوصلت للكوشة ولقيت مليون واقفين ايراجو
في الخبزة طابور طويل للمليون وقفت في الطابور وطبعا للعلم الخبزة درجة خامسة محروقة وسودة وماتنفعش لاكن الواحد شني يبي ايدير عالمهم اقعدتت واقف جو ساعة ونص
واني واقف جاني واحد شكلا ليه قرن ايراجي في الخبزة قالي والنبي يا ولدي خودلي امعاك غير اني اتعبت من الوقوف اتحشمت اني قتلا عادي اعطاني الفلوس وقعدتت انراجي فاتت
جو ساعتين لين اسمعت صوت الحرية صوت الخبزة قالو طلعت طبعا اهني ابدي فيلم مصري ابدي الدف والسب وحول انت وهدا امكاني والجو هادا قلبت الحكاية عركة الي بفردة الخبزة
والي بسلة امتع الخبزة والي خش بجسما ابدي ايهبك اهني واهني وفي الزحمة هادي واحد اتعفلق من واحد سمين وقالا تي برا يا سمين ومن الكلمة هادي ابديت الحكاية ضلام في ضلام
السمين اتعفلق وسخن وعرق وبدي يمسح في الي قداما لين قريب اوصل فيا امشي نقزت فوق الخبزة من الاخير وابديت انلم لين عبيت الشكارة والسمين شاد الولد الي قالا سمين وقريب قتلا
من الاخير السمين اهبل رسمي ومعاش وقف الي يبي ايحز ياكل طريحة لين جيت الشرطة بالعصي اتحز ماهو المركز قريب عالكوشة خشت بعضها والشرطي يبي ايشد السمين
ايحصل خبطة من السمين
قريب مات لين نقزو الشرطة عليه امعا الضرب لين حصلو عليه ورفعوه وهوا ختش رسمي حول الله وخلاص عالمهم اني اعرفت الحكاية ابديت تهدا اتلعط من الكوشة قلت الحمد لله
توا خلي انروح قبل ماتولي عركة تانية واني امروح جاني شابني في الضلام قالي ياولدي والنبي نضارتي طاحو دورهملي قوتلا باهي يا حاج حطيتت الخبزة من ايدي وابديت اندور اهني
واهني من الاخير قلبت الشارع كولا النضرات ماهناكش وليت للحاج لا القيت الحاج ولا الخبزة الحاج روبن الخبزة اتعفلقت للمليون اني يضحك عليا شابني وفي فاش في خبزة شكلا شابني فقري
شني بندير قلت هيا انولي للكوشة وامري لله وصلت للكوشة لاقيتها زحمة احرف من الاول وكل واحد شاد حاجة في ايدا الي اعصا والي رشادة والي طرف كرسي من كراسي الكوشة!!!!!!
وفي الزحمة هادي والجو المتلخبط يطلع شابني زمني من الكوشة شكلا صاحبها قال هيا كل واحد ايروح لحوشا الخبزة كملت وابدي السبان عالشابني وحدف الرشاد والعصي عالكوشة اني قلت
خلي نشبح امكان تاني وخلاص وقعدت نلعن عالحاج الي خنب الخبزة واني ماشي لاقيت السمين امتع العركة ولاقيتا شاد اشكارت خبزة كيف نبي نسألا امنين جبتها نلقا الشابني الي خنب مني الخبزة
كيف اني نجري نبي انشدا طحت في حفرة امتع خرارة حشاكم قريب امشت فيها جاني السمين نوضني وقوتلا بالله عليك امنين جبتها الخبزة قالي من دكان في اول الشارع قوتلا اه هادا اول محل اشبحتا
وقالي ماعنيدش امشيت جري واني انعكز على رجلي لين اوصت تي قوتلا باش قولت ماعنديش امبكري قالي كيف انت اطلعت جيه امتع الخبزة قوتلا ماهو حضي ضلام في ضلام
قالي شكلك ادور في خبزة قوتلا اندور بس تي اتشحورت اليوم اخديت الخبزة وروحت للحوش وهدا كل ال صار معاي .
خوكم محمود
موضوع: amamamamamamamamam 
الأربعاء نوفمبر 14, 2007 4:05 am
